Helder jou huis op – sélf!
As die lente aanbreek, kan jy gereed wees met ʼn huis wat lyk soos nuut deur net ʼn paar klein veranderinge aan te bring. Hier is idees.
KOMBUIS
Vleklose staal-plakpapier: As die toebehore in jou kombuis steeds goed werk, maar afgeleef lyk, kan jy nuwe lewe in hulle blaas met plakpapier wat ʼn vleklose-staal-voorkoms het.
www.cravingsomecreativity.com
Bont plakpapier: Gebruik plakpapier met helder kleure en patrone in klein spasies om die kombuis vrolik en verwelkomend te laat lyk.
www.curbly.com
Groei jou eie kruie: Kruiesaad of -plantjies in ʼn goedkoop houtboks of interessante houers sal die wêreld se verskil maak in ʼn andersins vaal kombuis.
www.pinterest.com
LEEFAREA
www.apartmenttherapy.com
Foto-muur: Haal al die foto’s van die muur af en herrangskik dit. Laat druk nuwe gesinsfoto’s – die kinders is nie meer twee jaar oud nie!
Ligskakelaars: ʼn Klein verandering maak ʼn groot verskil. Vervang ligskakelaar-bedekkings met unieke bedekkings wat ʼn stelling maak.
www.thespruce.com
Herrangskik jou boekrak: Gebruik die boeke se kleur om ʼn patroon te vorm, of trek vir ou boeke kleurvolle nuwe papier oor. Verf die muur agter die boekrak.
www.hearstapps.com
Gee nuwe lewe aan ʼn kaggel: Verf die bakstene, kry ʼn mooi houer vir houtstompe en skaf ʼn nuwe stel kaggel-toebehore aan.
www.lovelyetc.com
SLAAPKAMER
Verf ʼn meubelstuk: Gebruik ʼn helder kleur emaljeverf om ʼn ou, afgeleefde meubelstuk waaraan jy geen sentiment het nie, oor te verf.
www.pinterest.com
Steek weg: Verbloem die spasies waaraan jy niks kan doen nie met die hulp van ʼn kamer-versperring.
www.diy.com
Deurknoppe: Vervang deurknoppe en -handvatsels van kamerdeure en kasdeure om sommer vinnig vertrekke vars te laat lyk.
www.reliablestore.co.za
Verf die plafon: As jy onseker is of jy die hele kamer moet oorverf, oorweeg dit om net die plafon te verf met ʼn kalmerende, maar unieke, kleur.
www.realsimple.com
Beligting: Een moderne staanlamp of kandelaar kan die gevoel van ʼn hele vertrek beïnvloed. Deur die regte gloeilamp te kies, kan jy verseker dat jou kamer altyd sagte, warm lig het.
www.bhg.com
BADKAMER
Vervang die stortkoppe: ʼn Fênsie stortkop maak ʼn groot verskil en is baie eenvoudig om aan te bring. Doen vooraf navorsing oor wat presies jy wil hê.
www.bhg.com
Teëls: ʼn Vinnige skoonmaak tussen badkamerteëls kan jou laat voel of jy ʼn splinternuwe badkamer gebou het. Gebruik ʼn stoomskoonmaker hiervoor, en vervang die sement waar dit al tussen teëls verweer het.
www.karcher.com
Spieël: Koop ʼn spieël wat uitstaan as jou badkamerspasie jou nie toelaat om groot veranderinge te maak nie.
www.bobvila.com
Nuwe matjies: Gooi weg die ou, deurgetrapte badmatjies en vervang hulle met nuwes.
www.simons.ca
Wasgoedmandjie: Iets so eenvoudig soos ʼn nuwe wasgoedmandjie sal ʼn badkamer van afgeleef na nuut verander.
www.takealot.com
*Bronne:
