Sjokoladekoek

Vir die soettand, hier is hy nou: ʼn Sjokoladekoek wat beskryf word as iets tussen ʼn koek, ʼn mousse en ʼn brownie.   

Bestanddele: 

• 227 g koekmeel 

• 75 g kakaopoeier 

• 7,5 ml bakpoeier 

• 7,5 ml koeksoda 

• 5 ml sout 

• 500 ml suiker 

• 2 eiers 

• 250 ml melk 

• 125 ml gewone olie 

• 10 ml vanielje 

• 250 ml kookwater met 10 ml opgeloste koffiepoeier 

Versiersuiker: 

• 65 g kakaopoeier, gesif 

• 750 ml versiersuiker, gesif 

• 80 – 85 ml melk 

• 5 ml vanielje 

• 120 g botter, gesmelt 

Metode: 

• Voorverhit die oond tot 180°C. 

• Plaas bakpapier in twee koekpanne en spuit met kleefwerende sproei. 

• Sif die meel, kakao, bakpoeier, koeksoda en sout saam in ʼn mengbak. 

• Klits die suiker by, gevolg deur die eiers, melk, olie, en laastens die opgeloste koffiepoeier. Die beslag lyk dun, maar dit is reg so. 

• Verdeel die beslag tussen die koekpanne en bak vir 30 – 35 minute. Gebruik ʼn toetspen om te kyk of dit gaar is. 

• Laat dit vir 10 minute in die panne afkoel en keer dan om op ʼn draadrak. 

Versiersuiker: 

• Klits die kakaopoeier saam met die gesmelte botter. 

• Klits die versiersuiker en melk om die beurt saam. Voeg nog melk by indien nodig. 

• Klits die vanielje by. 

Sny ʼn lekker groot stuk – niemand tel kalorieë nie. 

*Bron: https://marindakook.co.za/sjokoladekoek-ryk-nat-en-verskriklik-lekker/